Partner im RedaktionsNetzwerk Deutschland
Höre {param} in der App.
Höre ទស្សនៈព្រឹត្តិការណ៍ពិភពលោក in der App.
(7.565)(6.472)
Sender speichern
Wecker
Sleeptimer
Sender speichern
Wecker
Sleeptimer
StartseitePodcastsNachrichten
ទស្សនៈព្រឹត្តិការណ៍ពិភពលោក

ទស្សនៈព្រឹត្តិការណ៍ពិភពលោក

Podcast ទស្សនៈព្រឹត្តិការណ៍ពិភពលោក
Podcast ទស្សនៈព្រឹត្តិការណ៍ពិភពលោក

ទស្សនៈព្រឹត្តិការណ៍ពិភពលោក

hinzufügen

Verfügbare Folgen

0 von 22
  • ហេតុអ្វីបានជាតំបន់អាស៊ីអាគ្នេយ៍ចង់ងាកទៅរកថាមពលនុយក្លេអ៊ែរឡើងវិញ?
    ប្រឈម​នឹង​តម្លៃ​ប្រេង​ឡើង​ថ្លៃ និង​តម្រូវការ​ថាមពល​កើន​ឡើង សមាជិក​អាស៊ាន​ចំនួន ៣ប្រទេស​នៅ​អាស៊ីអាគ្នេយ៍ គឺ​ឥណ្ឌូណេស៊ី វៀតណាម និង​ហ្វីលីពីន​ចង់​គិតគូរ​ឡើង​វិញ​លើ​ថាមពល​បាន​ពី​នុយក្លេអ៊ែរ។ តែ​ក្រុម​អ្នកជំនាញ​ហាក់​មិន​សូវ​មាន​សុទិដ្ឋិនិយម និង​បាន​លើក​ឡើង​នូវ​បញ្ហា​ប្រឈម​មួយ​ចំនួន។ គួរ​បញ្ជាក់​ថា​បច្ចុប្បន្ន​នេះ ថាមពល ៨០% នៅ​អាស៊ីអាគ្នេយ៍​បាន​មក​ពី​ការ​ប្រើ​ប្រេង និង​ធ្យូងថ្ម​ដែល​សុទ្ធសឹង​ជា​វត្ថុធាតុដើម​បញ្ចេញ​ឧស្ម័ន​កាបូនិក។ សព្វថ្ងៃ​នេះ​នៅ​ក្នុង​តំបន់​អាស៊ីអាគ្នេយ៍ គេ​នៅ​មិន​ទាន់​ឃើញ​មាន​ដាក់​ឲ្យ​ដំណើរការ​នូវ​ម៉ាស៊ីនប្រតិកម្ម​នុយក្លេអែរ​ស៊ីវិល​ណា​មួយ​នៅ​ឡើយ​ទេ។ ក៏​ប៉ុន្តែ អ្វីៗ​អាច​នឹង​ផ្លាស់ប្តូរ​នា​ពេល​ខាង​មុខ ព្រោះ​តាំង​ពី​ដំណាច់​ខែ​ឧសភា​មក ប្រទេស​ឥណ្ឌូណេស៊ី វៀតណាម និង​ហ្វីលីពីន​បាន​បញ្ជាក់​ពី​បំណង​ចង់​មាន​ថាមពល​បាន​មក​ពី​នុយក្លេអ៊ែរ។ មាន​កម្មវត្ថុ​សំខាន់​ចំនួន​ពីរ​ដែល​បញ្ជាក់​ពី​បំណង​នេះ ទី១ ដើម្បី​ឆ្លើយ​តប​នឹង​កំណើន​តម្រូវការ​ថាមពល និង​ទី២ ដើម្បី​កាត់​បន្ថយ​ការ​ពឹង​លើ​ថាមពល​ផូស៊ីល ឬ​ថាមពល​បាន​មក​ពី​ការ​ប្រើ​ប្រេង និង​ធ្យូងថ្ម។ គួរ​បញ្ជាក់​ថា តម្រូវការ​ថាមពល​នៅ​តំបន់​អាស៊ីអាគ្នេយ៍​មាន ៤០% បាន​នាំ​ចូល។ ប្រេង​ត្រូវ​បាន​តំបន់​អាស៊ីអាគ្នេយ៍​ទិញ​ច្រើន​ពី​តំបន់​មជ្ឈិមបូព៌ា ហើយ​ធ្យូងថ្ម​ត្រូវ​បាន​តំបន់​អាស៊ីអាគ្នេយ៍​ពឹង​លើ​ប្រទេស​អូស្រា្តលី។ ថាមពល​ដែល​អាស៊ីអាគ្នេយ៍​មាន​សព្វថ្ងៃ មាន ៨០% ជា​ថាមពល​បាន​មក​ពី​ការ​ប្រើ​ប្រេង និង​ធ្យូង​ថ្ម។ រីឯ ២០% ជា​ថាមពល​ស្អាត ឬ​កកើត​ឡើង​វិញ ពិសេស​ថាមពល​បាន​ពី​ទំនប់វារីអគ្គិសនី។ អ៊ីចឹង​ហើយ​បាន​ជា​នៅ​ពេល​នេះ និង​ក្នុង​បរិបទ​សព្វថ្ងៃ ថាមពល​នុយក្លេអ៊ែរ​កំពុង​ក្លាយ​ជា​ថាមពល​ដែល​គ្រប់​គ្នា​កំពុង​ចាប់​អារម្មណ៍​យ៉ាង​ខ្លាំង។ នៅ​ឥណ្ឌូណេស៊ី សេចក្តីព្រាងច្បាប់​ថ្មី​មួយ​ត្រូវ​បាន​បង្ហាញ​ចេញ​កាល​ពី​ដើម​ខែ​មិថុនា​ដើម្បី​ឈាន​ទៅ​បំពាក់​មជ្ឈមណ្ឌល​នុយក្លេអ៊ែរ​ទី១ នៅ​ឆ្នាំ ២០៤៥។ តាម​រយៈ​សេចក្តីព្រាងច្បាប់​មួយ​នេះ ឥណ្ឌូណេស៊ី​គ្រោង​បង្កើត​ចេញ​នូវ​ស្ថាប័ន​មួយ​សម្រាប់​ត្រួតពិនិត្យ​លើ​ការ​អភិវឌ្ឍន៍ និង​ដំណើរការ​របស់​មជ្ឈមណ្ឌល។ នៅ​វៀតណាម រដ្ឋមន្រ្តី​ក្រសួង​ឧស្សាហកម្ម និង​កសិកម្ម​លោក​ង្វៀន ហុង ហ្សៀន​បាន​ថ្លែង​នៅ​ក្នុង​សភា​កាល​ពី​ដំណាច់​ខែ​ឧសភា​ថា ការ​អភិវឌ្ឍន៍​ថាមពលនុយក្លេអ៊ែរ​ជា​និន្នាការ​មួយ​មិន​អាច​ខ្វះ​បាន។ តាម​ពិត​ក្នុង​ឆ្នាំ ២០១៦ វៀតណាម​ធ្លាប់​មាន​គម្រោង​សាងសង់​មជ្ឈមណ្ឌល​នុយក្លេអ៊ែរ​ចំនួន ២ ដែល​សាងសង់​ដោយ​ក្រុមហ៊ុន​រុស្ស៊ី និង​ជប៉ុន។ តែ​កាលណោះ និង​ដោយ​មាន​បញ្ហា​ថវិកា រៀតណាម​ក៏​បាន​ព្យួរ​គម្រោង​នោះ​វិញ​ដោយ​មិន​បាន​បោះបង់​ចោល​ទាំង​ស្រុង​ទេ។ គឺ​គម្រោង​នេះ​ដដែល​ដែល​រដ្ឋាភិបាល​ក្រុង​ហាណូយ​អាច​គិតគូរ​មើល​ឡើង​វិញ។ តាម​លោក​ង្វៀន ហុង ហ្សៀន វៀតណាម​មិន​អាច​បន្ត​ពង្រីក​បន្ថែម​នូវ​មជ្ឈមណ្ឌល​អគ្គិសនី​ប្រើ​ធ្យូង​ថ្ម​បាន​ទៀត​ទេ ខណៈ​ដែល​ថាមពល​បាន​ពី​ទំនប់​វារីអគ្គិសនី​មាន​កម្រិត និង​ចំ​ពេល​ដែល​វៀតណាម​ចង់​មាន​អព្យាក្រឹត្យកាបូន​នៅ​ឆ្នាំ ២០៥០។ ដូច្នេះ និង​បើ​តាម​លោក​លោក​ង្វៀន ហុង ហ្សៀន នុយក្លេអ៊ែរ​ជា​ប្រភព​ថាមពល​ដែល​មាន​ស្ថិរភាព។ នៅ​ហ្វីលីពីន ប្រធានាធិបតី​ថ្មី​លោក​ហ្វ៊ែរឌីណង់ ម៉ាកូស ជូញ៉រ​សន្យា​បើក​មជ្ឈមណ្ឌល​នុយក្លេអ៊ែរ Bataan ឡើង​វិញ។ មជ្ឈមណ្ឌល​នុយក្លេអ៊ែរ Bataan នេះ​ត្រូវ​បាន​សាងសង់​រួចរាល់​ក្នុង​ឆ្នាំ ១៩៨៤ និង​មិន​ដែល​បាន​ដាក់​ឲ្យ​ដំណើរការ​ទេ។ នៅ​ក្រោយ​ការ​ទម្លាក់​លោក​ហ្វ៊ែរឌីណង់ ម៉ាកូស​ពី​តំណែង​ប្រធានាធិបតី​ក្នុង​ឆ្នាំ ១៩៨៦ និង​ក្រោយ​គ្រោះមហន្តនុយក្លេអ៊ែរ​នៅ Tchernobyl ក្នុង​ប្រទេស​អ៊ុយក្រែន​ក្នុង​ឆ្នាំ ១៩៨៦ ដដែល ហ្វីលីពីន​បាន​បំភ្លេច​ចោល​មជ្ឈមណ្ឌល​នុយក្លេអ៊ែរ Bataan ទាំង​ស្រុង។ តែ​ឥឡូវ​នេះ ប្រធានាធិបតី​ថ្មី​លោក​ហ្វ៊ែរឌីណង់ ម៉ាកូស ជូញ៉រ​ដែល​ជា​កូនប្រុស​របស់​លោក​ហ្វ៊ែរឌីណង់ ម៉ាកូស​ចង់​គិតគូរ​ជួសជុល​មជ្ឈមណ្ឌល​នុយក្លេអ៊ែរ Bataan ឡើង​វិញ។ លោក​ហ្វ៊ែរឌីណង់ ម៉ាកូស ជូញ៉រ​យល់​ថា ការ​ជួសជុល​មជ្ឈមណ្ឌល​នុយក្លេអ៊ែរ​ដែល​មាន​ស្រាប់​ត្រូវ​ចំណាយ​ពេល​តិច និង​ចំណាយ​លុយ​មិន​ច្រើន​ដូច​ការ​សាងសង់​ថ្មី​ទេ។ តាម​លោក​ហ្វ៊ែរឌីណង់ ម៉ាកូស ជូញ៉រ ការ​ជួសជុល​មជ្ឈមណ្ឌល​នុយក្លេអ៊ែរ Bataan ឡើង​វិញ​អាច​ចំណាយ​ពេល​តិច​ជាង ៤ឆ្នាំ និង​ចំណាយ​លុយ​អស់ ១ ០០០លានដុល្លារ។ គួរ​បញ្ជាក់​ថា​ក្នុង​ឆ្នាំ ២០២០ អាស៊ាន​បាន​កំណត់​យក​ថាមពល​នុយក្លេអ៊ែរ​ស៊ីវិល​ជាប្រភព​ថាមពល​ស្អាត​ដើម្បី​ជួយ​តំបន់​ឲ្យ​ឆ្លើយ​តប​នឹង​តម្រូវការថាមពល​ដែល​កំពុង​កើន​ឡើង។ តាម​ការ​ព្យាករណ៍​របស់​ទីភ្នាក់ងារ​ថាមពល​អន្តរជាតិ តម្រូវ​ថាមពល​នៅ​អាស៊ីអាគ្នេយ៍​បាន​កើន ៨០% តាំង​ពី​ឆ្នាំ ២០០០ និង​ត្រូវ​កើន​បន្ថែម ៦០% ទៀត​ពី​ពេល​នេះ​ទៅ​ឆ្នាំ ២០៤០។ លោក Philip Andrews-Speed អ្នក​ជំនាញ​ថាមពល​នៅ​សកលវិទ្យាល័យជាតិ​សិង្ហបុរី​បាន​មើល​ឃើញ​ថា មាន​កត្តា​ចំនួន ៣ ដែល​បាន​ធ្វើ​ឲ្យ​តំបន់​អាស៊ីអាគ្នេយ៍​ងាក​ទៅ​ចាប់​អារម្មណ៍​លើ​ថាមពល​នុយក្លេអ៊ែរ ទី១ មាន​បច្ចេកវិទ្យាថ្មីៗ ទី២ មាន​ភាព​ប្រសើរ​ស្តីពី​វិធានការ​សន្តិសុខ​នៅ​មជ្ឈមណ្ឌល​នុយក្លេអ៊ែរ និង​ទី៣ សង្រ្គាម​អ៊ុយក្រែន​ដែល​បាន​ធ្វើ​ឲ្យ​តម្លៃ​ប្រេង និង​ឧស្ម័ន​ឡើង​ថ្លៃ​កប់​ពពក។ វា​ជា​រឿង​ល្អ​ដែល​អាស៊ីអាគ្នេយ៍​ចង់​ងាក​រក​ថាមពល​នុយក្លេអ៊ែរ។ តែ​អ្នកជំនាញ​ខ្លះ​ហាក់​បន្ត​មាន​មន្ទិលសង្ស័យ​ពី​លទ្ធភាព និង​សមត្ថភាព។ អ្នកជំនាញ​លោក Jean-Christophe Simon មើល​ឃើញ​ថា ក្រៅ​ពី​ឧបសគ្គ​ផ្នែក​ហិរញ្ញវត្ថុ និង​បរិស្ថាន នៅ​មាន​បញ្ហា​ប្រឈម​ជា​ច្រើន​ទៀត ដូច​ជា​ទីតាំង ការ​ថែទាំ ភាព​គួរ​ឲ្យ​ទុក្ខចិត្ត និង​ចំណេះដឹង​ផ្សេង​ទៀត​ទាក់ទង​នឹង​នុយក្លេអ៊ែរ។ ទាំង​នេះ​ដោយ​នៅ​មិន​ទាន់​រាប់​បញ្ចូល​ពី​ក្តីបារម្ភ​ទាក់ទង​នឹង​អំពើ​ពុករលួយ និង​ភាព​ស៊ីសំណូកសូកប៉ាន់​ដែល​មាន​នៅ​ក្នុង​បណ្តា​ប្រទេស​អាស៊ីអាគ្នេយ៍​ទាំង​អស់​នោះ​ទេ៕
    6/27/2022
    5:53
  • ហេតុអ្វីកាលីនីនក្រាតត្រូវក្លាយជាចំណុចក្តៅថ្មីក្នុងសង្រ្គាមអ៊ុយក្រែន?
    ចាប់ពី​ប៉ុន្មាន​ថ្ងៃ​កន្លងទៅនេះ ភាពតានតឹង រវាង​រុស្ស៊ី និង​លីទុយអានី កំពុងតែកើនឡើង​យ៉ាងខ្លាំង​ ជុំវិញ​តំបន់​កាលីនីនក្រាត (Kaliningrad) ដែល​ជា​ទឹកដី​របស់​រុស្ស៊ី តែ​ស្ថិត​នៅ​ចំកណ្តាលដែនដី​អឺរ៉ុប​និង​បក្សសម្ព័ន្ធអូតង់។ តើ​តំបន់​កាលីនីនក្រាត​នេះ​មាន​សារសំខាន់​យុទ្ធសាស្រ្ត​អ្វីខ្លះ? តើហេតុអ្វី​បាន​ជា​វា​ត្រូវ​ក្លាយ​ជា​ចំណុច​ក្តៅ នៅ​ក្នុង​សង្រ្គាម​អ៊ុយក្រែន​នៅ​ពេលនេះ? “កាលីនីនក្រាត” (Kaliningrad) កាលពីមុន​មាន​ឈ្មោះថា “ឃើនីកស្បឺក” (Königsberg) គឺ​អតីត​ដែនដី​របស់​អាល្លឺម៉ង់ ក៏ប៉ុន្តែ ត្រូវ​បាន​សហភាព​សូវៀត​វាយដណ្តើម​កាន់កាប់ និង​​កាត់យក​មក​ធ្វើ​ជា​ទឹកដី​របស់​ខ្លួន នៅ​ក្រោយ​ពេល​អាល្លឺម៉ង់​ណាហ្ស៊ី​ចាញ់​សង្រ្គាម​លោក​លើកទី២។ តំបន់​នេះ​ស្ថិត​នៅ​ចន្លោះ​ប្រទេស​ប៉ូឡូញ និង​លីទុយអានី ហើយ​ជាប់​នឹង​សមុទ្រ​បាល់ទិក​នៅ​ប៉ែក​ខាងជើង។ ទីតាំង​ភូមិសាស្រ្ត​នេះ វា​មិនចោទជាបញ្ហា​អ្វីនោះទេ នៅ​ក្នុង​សម័យ​សហភាព​សូវៀត ដោយ​ទាំង​លីទុយអានី ទាំង​បេឡារុស ក៏ដូចជា​ប្រទេស​ជាប់​សមុទ្រ​បាល់ទិក​ពីរផ្សេងទៀត គឺ​សុទ្ធសឹង​ជា​រដ្ឋ​នៅ​ក្នុង​សហភាព​សូវៀត ជាមួយ​នឹង​រុស្ស៊ី។ ក៏ប៉ុន្តែ នៅ​ក្រោយ​ពេល​ដែល​សហភាព​សូវៀត​ត្រូវ​ដួលរលំ ហើយ​រដ្ឋ​ជា​សមាជិក​ត្រូវ​បែកខ្ញែក​គ្នា ទៅ​ជា​ប្រទេស​ឯករាជ្យ​ដាច់ពី​គ្នា កាលីនីនក្រាត​ក៏​ត្រូវ​ក្លាយ​ជា​ដែន​ដី ដែល​ស្ថិត​នៅ​ដាច់ឆ្ងាយ​ពី​រុរុស្ស៊ី ដោយ​មាន​ប្រទេស​លីទុយអានី និង​បេឡារុស នៅ​ខណ្ឌចំកណ្តាល។ បេឡារុស គឺ​ជា​សម្ព័ន្ធមិត្ត​របស់​រុស្ស៊ី ក៏ប៉ុន្តែ លីទុយអានី​វិញ រួមជាមួយ​នឹង​ប្រទេស​ជាប់​សមុទ្រ​បាល់ទិក​ពីរទៀត គឺ​ជា​សមាជិក​​សហភាព​អឺរ៉ុប និង​បក្ស​សម្ព័ន្ធអូតង់។ ដូច្នេះ វាធ្វើ​ឲ្យ​តំបន់​កាលីនីនក្រាត​​​នេះ ត្រូវ​ក្លាយ​ជា​ដែនដីរុស្ស៊ី ដែល​ស្ថិត​នៅ​ចំកណ្តាល​ដែនដី​អឺរ៉ុប​និង​អូតង់ ហើយ​ការ​ធ្វើ​ដំណើរ​តាមផ្លូវគោក រវាង​រុស្ស៊ី និង​តំបន់​កាលីនីនក្រាត​នេះ គឺ​ចាំបាច់​ត្រូវ​ឆ្លងកាត់​តាម​ទឹកដី​លីទុយអានី។ ការធ្វើ​ដំណើរ​ឆ្លងកាត់​ទឹកដីលីទុយអានី​នេះ​ហើយ ដែល​កំពុង​ជា​ចំណុចក្តៅ ក្រោយ​ពី​​លីទុយអានី​ហាមឃាត់​ការដឹកជញ្ជួន​ទំនិញ​ដែល​ជាប់​ក្នុង​បញ្ជី​ទណ្ឌកម្ម​សហភាព​អឺរ៉ុប មិនឲ្យ​​ឆ្លងកាត់​ទឹកដី​លីទុយអានី ពី​រុស្ស៊ី ទៅ​កាន់​តំបន់​កាលីនីន​ក្រាត។ រដ្ឋាភិបាល​លីទុយអានី​បាន​ពន្យល់ថា នេះ​គ្រាន់តែ​ជា​ការ​អនុវត្ត​ទៅតាម​ទណ្ឌកម្ម​របស់សហភាព​អឺរ៉ុបតែប៉ុណ្ណោះ។ ទណ្ឌកម្ម​ដែល​សហភាព​អឺរ៉ុប​ដាក់ ក្រោយ​ពី​រុស្ស៊ី​ចូល​ឈ្លានពាន​អ៊ុយក្រែន។ ម្យ៉ាងទៀត ការដឹកជញ្ជូន​​រវាង​រុស្ស៊ី​និង​កាលីនីនក្រាត​​ក៏​មិន​ត្រូវ​​កាត់ផ្តាច់​ទាំងស្រុង​នោះទេ ដោយ​ការ​ដឹកជញ្ជូន​អ្នក​ដំណើរ និង​មុខទំនិញ​ផ្សេងទៀត ដែល​មិនស្ថិត​នៅ​ក្នុង​បញ្ជី​ទណ្ឌកម្ម នៅតែ​អាច​ធ្វើ​បាន​ជា​ធម្មតា។ ក៏ប៉ុន្តែ សម្រាប់​រុស្ស៊ី​វិញ នេះ​គឺ​ជា​រឿង​ដែល​មិន​អាច​ទទួល​យកបាន ហើយ​ព្រមាន​ថា​នឹង​ចាត់វិធានការ​តបមកវិញ ដោយ​​មន្រ្តី​ទូត​រុស្ស៊ី​ប្រចាំ​ប្រទេស​លីទុយអានី ថែមទាំង​បាន​លើកឡើង​ថា អ្វីដែល​លីទុយអានី​កំពុងធ្វើ​នៅពេលនេះ គឺ​​​ជា​ការ​បិទខ្ទប់​តំបន់​កាលីនីនក្រាត។ ពាក្យថា “បិទខ្ទប់” ឬ​តាមភាសា​អង់គ្លេស « Blockade » ដែល​នៅ​ក្នុង​ច្បាប់​អន្តរជាតិ​អាច​ត្រូវ​ចាត់ទុក​ថា​ជា​ការ​ប្រកាស​សង្រ្គាម។ រហូតមកទល់នឹងពេលនេះ គេនៅមិនទាន់ដឹងនៅឡើយទេ​ថា តើ​វិធានការ​តប​ទៅលើ​លីទុយអានី ដែល​រុស្ស៊ី​បាន​លើកឡើងនោះ នឹង​ត្រូវ​ធ្វើ​នៅ​ក្នុង​រូបភាព​បែបណា ក៏ប៉ុន្តែ នៅក្នុងបរិបទ​ដ៏ក្តៅគគុកស្រាប់​នៅ​ក្នុង​សង្រ្គាម​អ៊ុយក្រែន​បច្ចុប្បន្ន​នេះ ការប្រឈមមុខដាក់គ្នា រវាង​រុស្ស៊ី និង​លីទុយអានី​ អាច​នឹង​នាំ​ទៅដល់​ការ​ប្រឈម​មុខដាក់គ្នា​ដោយ​ផ្ទាល់ រវាង​រុស្ស៊ី និង​អូតង់។ មែនទែនទៅ តំបន់​កាលីនីនក្រាត គឺ​ជា​ចំណុចយុទ្ធសាស្រ្ត​ដ៏​សំខាន់​មួយ រវាង​អូតង់ និង​រុស្ស៊ី តាំង​ពី​មុន​សង្រ្គាម​អ៊ុយក្រែន​មកម៉្លេះ ពីព្រោះ​ថា តាមរយៈ​កាលីនីនក្រាត​ រុស្ស៊ី​អាច​បោះទីតាំង​​មូលដ្ឋានទ័ព​​ដ៏ធំមួយ​ នៅ​ចំកណ្តាល​ដែនដី​របស់​អូតង់ ដោយ​បញ្ជាការដ្ឋាន​កងទ័ពជើងទឹក​រុស្ស៊ី​ប្រចាំតំបន់​បាល់ទិក គឺ​មាន​ទីតាំង​ នៅ​ក្នុង​តំបន់​កាលីនីនក្រាត ហើយ​នៅ​ក្នុង​រយៈពេល​ប៉ុន្មាន​ឆ្នាំចុងក្រោយ​នេះ ជាពិសេស ចាប់តាំង​ពី​មាន​ការ​ប្រឈម​មុខដាក់គ្នា​ជាមួយលោកខាងលិច ក្រោយ​រុស្ស៊ី​កាត់យក​តំបន់​គ្រីមេ កាល​ពី​ឆ្នាំ២០១៤ រុស្ស៊ី​បាន​បង្កើន​កម្លាំងទ័ព​រឹតតែ​ច្រើន នៅ​ក្នុង​តំបន់​កាលីនីនក្រាត​នេះ ដោយ​នៅ​ក្នុងនោះ ក៏មាន​ផងដែរ ​ការ​ដាក់ពង្រាយ​មីស៊ីល​បាលីស្ទិក​ធុន Iskander ដែល​អាច​បំពាក់​ក្បាល​គ្រាប់នុយក្លេអ៊ែរ។ Iskander នេះ គឺ​ជា​ប្រភេទ​មីស៊ីល​​បាលីស្ទិក​រយៈចម្ងាយ​ខ្លី ក៏ប៉ុន្តែ បើ​បាញ់​ចេញ​ពី​កាលីនីនក្រាត គឺ​អាច​បាញ់​ទៅដល់​ស្ទើរតែ​គ្រប់​ប្រទេស​ទាំងអស់​នៅ​អឺរ៉ុប។ បន្ថែម​ពីលើ​នេះ​ទៅតៀត នៅកាលីនីនក្រាតនេះ ក៏​នៅមាន​ចំណុចយុទ្ធសាស្រ្ត​មួយទៀត​ផងដែរ ដែល​អាច​ចោទ​ជា​បញ្ហា​ដល់​អូតង់ នៅ​ក្នុងករណី​មាន​ជម្លោះ​ជាមួយ​រុស្ស៊ី គឺ​ច្រកផ្លូវ ដែល​គេ​ឲ្យឈ្មោះ​ថា “ស៊ូវ៉ាល់គី” ដែល​ជាច្រកផ្លូវ​តូចមួយ ប្រវែងត្រឹមតែ​ប្រមាណ​ជា ៦០គីឡូម៉ែត្រ​ប៉ុណ្ណោះ តភ្ជាប់​ពី​កាលីនីនក្រាត កាត់តាម​បណ្តោយ​ព្រំដែន រវាង​ប៉ូឡូញ និង​លីទុយអានី ឆ្លង​ចូល​ទៅ​ក្នុង​ទឹកដី​បេឡារុស ដែល​ជា​ប្រទេស​សម្ព័ន្ធមិត្ត​របស់​រុស្ស៊ី ហើយមាន​វត្តមាន​កងទ័ព​រុស្ស៊ី​នៅទីនោះ។ សម្រាប់​រុស្ស៊ី នៅ​ក្នុងករណី​មាន​ជម្លោះ​ជាមួយ​អូតង់ ប្រសិនបើ​ច្រកផ្លូវ​ស៊ូវ៉ាល់គី​នេះ​ត្រូវ​បិទ មានន័យថា ផ្លូវគោក​ទៅ​កាន់​កាលីនីនក្រាត​ប្រាកដ​ជា​នឹង​ត្រូវ​កាត់ផ្តាច់។ បញ្ច្រាសមកវិញ សម្រាប់​អូតង់ ប្រសិនបើ​រុស្ស៊ី​បញ្ជូន​ទ័ព​ចូល​គ្រប់គ្រង​ច្រកផ្លូវ​ស៊ូវ៉ាល់គី​នេះ​បាន គឺមានន័យថា ប្រទេសអូតង់​​ទាំង៣​នៅ​តំបន់​បាល់ទិក គឺ​លីទុយអានី ឡេតូនី និង​អេស្តូនី នឹង​ត្រូវ​កាត់ផ្តាច់​ពី​ប្រទេស​អូតង់​ផ្សេងទៀត ពីព្រោះ​ថា ច្រក​ដ៏តូចមួយនេះ គឺ​ជា​ច្រកផ្លូវគោកតែមួយគត់ ដែល​​តភ្ជាប់​ប្រទេស​បាល់ទិក​​មក​ប៉ូឡូញ និង​ប្រទេស​អូតង់​ផ្សេងទៀត៕
    6/23/2022
    4:39
  • សុខភាព​របស់​​លោក​ពូទីន ជា​កម្មវត្ថុ​នៃពាក្យ​​ចចាមអារ៉ាម ព្រម​ទាំង​ជារឿង​សម្ងាត់​​បំផុត
    សុខភាពរបស់​មេដឹកនាំប្រទេស គឺសំខាន់ខ្លាំងណាស់ដែល​មហាជនត្រូវការដឹកឮ ទោះប្រទេសណាក៏ដោយ ជាពិសេសគឺប្រទេសមហាអំណាធំៗ។ ដោយ​ឡែក សុខភាពរបស់លោក​ប្រធានាធិបតីរុស្ស៊ី វ្លាឌីមៀរ ពូទីន ត្រូវបាន​វិមានក្រឹមឡាំង លាក់​យ៉ាងជិត។ ការលាក់បាំងបែបសម្ងាត់ ព្រមជាមួយការចេញមុខយ៉ាងកម្ររបស់​លោកពូទីន នៅមួយរយៈចុងក្រោយ​នេះ បានបង្កឲ្យ​កើតមាន ជាពាក្យចចាមអារ៉ាមជាច្រើន ថាលោក​ពូទីនកំពុងមានជំងឺប្រចាំកាយ​។ ក្នុងកាលៈទេសៈ ដែលរុស្ស៊ីកំពុងតែធ្វើសង្គ្រាមនៅអ៊ុយក្រែន ហើយធ្វើឲ្យជ្រួលច្របល់ ដល់សន្តិសុខពិភពលោកទៀតនោះ​ សុខភាព​របស់​លោក​ពូទីន គឺពិតជាចំណុចមួយ ដែល​មនុស្សទូទៅ ទាំងក្នុងនិងក្រៅរុស្ស៊ី ចង់ដឹងការពិតខ្លាំងណាស់។ នៅខែតុលាខាងមុខនេះ លោកពូទីន នឹងឈានចូលដល់​វ័យ ៧០ឆ្នាំហើយ។ មួយរយៈចុងក្រោយ​នេះ មាន​ពាក្យ​ចចាមអារ៉ាម ជាច្រើនស្តីពីសុខភាពរ​បស់គាត់។ ការផុសផុលនូវពាក្យ​ចចាមអារ៉ាមទាំងនេះ គឺវាកើតចេញពី​ការលាក់លៀម​យ៉ាងសម្ងាត់ នៃអំណាចនយោបាយរុស្ស៊ី។​ សម្រាប់មហាជនខ្លះ គេគិតថា បើលាក់បាំងម្លឹងៗ គឺប្រាកជជាមានហេតុផល​អ្វីម្យ៉ាងហើយ! ប្រមាណ២០ឆ្នាំ នៃការកាន់អំណាចយ៉ាងតឹងណែននៅរុស្ស៊ី វាសឹងតែគ្មានដំណឹងអ្វីទាំងអស់ ស្តីពីសុខភាពជាក់ស្តែង របស់​លោក​ប្រធានាធិបតី​ពូទីន។ ផ្ទុយទៅវិញ គឺគេឃើញត្រឹមតែរូបថត ដែលវិមានក្រឹមឡាំងបាន​ផ្សព្វផ្សាយ មានដូចជារូប​លោ​ក​ពូទីនជិះសេះយ៉ាងអង់អាចក្លាហាន​ លោកពូទីន​ស្ទូចត្រី លែងខ្លួនទទេបង្ហាញសាច់ដុំ និងលោកពូទីនក្នុងសម្លៀកបំពាក់ប្រកួតកីឡា​យូដូ ជាដើម​។ ថ្មីៗនេះ នៅក្នុងការបង្ហាញ​មុខយ៉ាងកម្ររបស់​លោកពូទីន ដែលមានវ័យកាន់តែជ្រេ គេសង្កេតឃើញថា សាច់​មុខរបស់​លោកមានលក្ខណៈហើម ហើយអាកប្បកិរិយារបស់​លោកពូទីន ពេលខ្លះបង្ហាញ​ ឲ្យ​ឃើញថាលោក​កំពុងប្រឹង ហាក់ដូចជាមនុស្សចាស់ដែលប្រឹងទប់ខ្លួនមិនឲ្យ​រញីរញ័រ។ ទាក់ទិននឹងព័ត៌មានស្តីពី​សុខភាព​របស់​លោកពូទីននេះ គឺមានតែ​ការស៊ើបអង្កេតមួយគត់ ដែល​មាន​លក្ខណៈស៊ីជំរៅ។ ការស៊ើបអង្កេតនេះ ចុះផ្សាយ​កាលពីខែមេសាកន្លងទៅ ដោយបណ្តាញព័ត៌មានភាសារុស្ស៊ីមួយ ឈ្មោះ Proekt ដោយផ្អែកលើ​ប្រភពបើកចំហរមួយចំនួន។ យោងតាមការចុះផ្សាយនេះ នៅ​ប៉ុន្មានឆ្នាំចុងក្រោយនេះ នៅរៀងរាល់លើក ដែលលោកពូទីនធ្វើដំណើរទៅសម្រាកនៅផ្ទះលំហែររបស់​លោក នៅ​ក្រុងសុតឈី មាត់សមុទ្រខ្មៅ គឺតែងតែមានក្រុមគ្រូពេទ្យ​ជាច្រើននាក់ ទៅ​ទីនោះដែរ។ ក្នុងចំណោម​ក្រុមគ្រូពេទ្យទាំងនោះ គឺមានម្នាក់ ឈ្មោះ Yevgeny Selivanov មានជំនាញ​ផ្នែកមហារីក​ទីរ៉ូអ៊ីដ ឬនិយាយសាមញ្ញថាមហារីកបំពង់ក។​ ជាមួយនឹងការចុះផ្សាយនេះ ពាក្យចចាមអារ៉ាមមួយបានបន្លឺថា លោកពូទីន ត្រូវបាន​គេរៀបចំឲ្យ​ត្រាំទឹកលាយ​ឈាម ដែលគេសម្រក់ចេញពីស្នែងប្រើស នៅតំបន់ស៊ីបេរី។ រូបមន្តនេះលោក​ពូទីន ​បានមកពីលោករដ្ឋមន្ត្រីក្រសួង​ការពារជាតិ Sergueï Choïgou ដែលមានស្រុកកំណើតនៅតំបន់ស៊ីបេរី ហើយ​ដែល​គេល្បីថា ពូកែស័ក្តិសិទ្ធ ជួយ​ឲ្យ​មានអាយុយឺនយូរ ហើយ​ជួយជំរុញ​កម្លាំងសមត្ថភាពផ្លូវភេទ។ ដោយឡែក យោងតាមការចុះផ្សាយរបស់ទស្សនាវត្តីបារាំងដ៏ធំមួយ ឈ្មោះ Paris Match គឺនៅក្នុងពេល​លោក​ពូទីន មកបារាំងនៅឆ្នាំ​២០១៧ និងពេលទៅ​អារ៉ាប៊ីសាអូឌីត ឆ្នាំ​២០១៩ គេឃើញ​ក្រុម​សន្តិសុខពិសេសរបស់​គាត់ តាមជាប់ទៅដល់​បន្ទប់ទឹក ដើម្បី​យក​លាមក​ និងទឹកមូតយកមកទុក របស់​ពូទីនយកមកទុក។ ធ្វើបែបនេះ គឺកុំឲ្យ​អ្នកផ្សេង អាចស្រង់យកទៅធ្វើការវិភាគ ដឹងពីស្ថានភាពសុខភាពរបស់​លោក​ពូទីន។​ កាសែតអាមេរិកមួយ ឈ្មោះ Newsweek ដែលបានស្រង់​ប្រភពពីមន្ត្រីចារកិច្ចអាមេរិក បានចុះផ្សាយ​ថា លោកពូទីន បានទទួលការព្យាបាល​ជំងឺមហារីកដំណាក់កាលធ្ងន់ធ្ងរ កាលពីខែមេសាកន្លងទៅ។ ក៏ប៉ុន្តែ ក្រុមប្រឹក្សា​សន្តិសុខជាតិអាេមរិក បាន​បដិសេធថាខ្លួនមិនមែនជាអ្នក​បញ្ចេញ​ព័ត៌មាននេះទេ។ ចំណែក លោក Kyrylo Boudanov ប្រធានចារកិច្ចអ៊ុយក្រែន បាន​លើកឡើងនៅតាមកញ្ចក់ទូរទស្សន៍ Sky News ថាលោកពូទីនពិតជាមានជំងឺមហារីក​ ប្រាកដមែន។​ ពីវិមានក្រឹមឡាំងវិញ គឺមានតែម្តងគត់ ដែលគេផ្សាយ​ជាផ្លូវការ ថាលោកពូទីន មានជំងឺ។ គឺនៅចុងឆ្នាំ​២០១២ ក្រោយពេល​លោក​ពូទីនបានបាត់មុខឈឹង និងបានលើកការជួបប្រជុំសំខាន់ផ្សេង។ ក្រឹមឡាំងបញ្ជាក់ថា លោកពូទីនមានបញ្ហាកកិតសាច់ដុំ។ តែកាសែតក្នុងស្រុករុស្ស៊ីមួយ បានចុះផ្សាយ​កាលនោះ ថាលោក​ពូទីនឈឺខ្នង។ យោងតាម គេហទំព័រ Proekt គឺចាប់ពីអំឡុងពេលនោះហើយ ដែល​សុខភាពរបស់លោកពូទីន ចាប់ផ្តើម​មានបញ្ហា។ បន្ថែមពីនេះ ជាមួយនឹងការមកដល់នៃជំងឺឆ្លងរាតត្បាត កូវីដ១៩ វាបានធ្វើឲ្យ​លោក​ពូទីន មានបញ្ហាសតិអារម្មណ៍ ទៅជាភ័យខ្លាចគ្រប់រឿង។ ជាផ្លូវការ ក្រឹមឡាំងអះអាងថាលោក​ពូទីនបានចាក់វ៉ាក់សាំងបង្ការកូវីដ​១៩។ ក៏ប៉ុន្តែ ខុសពី​មេដឹកនាំផ្សេងៗទៀតទូទាំងពិភពលោក គឺគេមិនដែល​ធ្លាប់ឃើញរូបថត បង្ហាញ​ថា​លោក​ពូទីនកំពុងទទួលបានការចាក់វ៉ាក់សាំង​នេះទេ។​ ចាប់តាំងពីឆ្នាំ​២០២០មក កិច្ចការប្រជុំភាគច្រើនបំផុត គឺលោក​ពូទីនធ្វើតាម​ប្រព័ន្ធវីដេអូខុនហ្វឺរិនស៍។​ ជាងនេះទៀត រាល់ការចូលជួបលោកពូទីន គឺត្រូវបានគេពិនិត្យយ៉ាងតឹងតែង ដោយ​គោរពវិធានការ​បង្កា។ បើ​មិនធ្វើតេស្ត ហើយមិន​ធ្វើចត្តាឡីស័កច្រើនថ្ងៃ គឺគេមិនអនុញ្ញាតឲ្យចូលទៅជិត ឬចាប់ដៃលោកពូទីនទេ។ គ្រប់គ្នានៅចាំមិនទាន់ភ្លេចទេ នៅរូបភាពដែលបង្ហាញ​ពី​លោក​ពូទីន អង្គុយនៅចុងតុម្ខាងដ៏ធំវែង នៅពេលលោកម៉ាក្រុងបានទៅជួប​នៅវិមានក្រឹមឡាំង​ កាលពីខែកុម្ភៈ មុនពេល​​រុស្ស៊ី លើកទ័ពទៅឈ្លានពានអ៊ុយក្រែន។​ រូបភាពមួយទៀត ដែលគេនៅចាំមិនភ្លេចដែរ គឺក្នុងពេល​ប្រជុំជាមួយ​រដ្ឋមន្ត្រីការពារជាតិ នៅចុងខែមេសា គេឃើញលោកពូទីន ប្រឹងយកម្រាមដៃ ខ្ញាំតោងចុងតុ ហាក់ដូច​ជាប្រឹង​ទប់ខ្លួន​មិនឲ្យញ័រ។ បន្ថែមពីនេះ នៅក្នុងកម្មវិធីបុណ្យខួបឯករាជសហព័ន្ធរុស្ស៊ី ថ្ងៃទី​១២មិថុនាថ្មីៗនេះ គេសង្កេតឃើញ លោកពូទីនចូលរួម តែ​ហាក់ដូចជាអារម្មណ៍មិនស្ថិតនៅក្នុងខ្លួន ឈរមិននឹង ក្នុងសម្លៀកបំពាក់ខ្មៅអាវដៃវែង គ្រប់ដៃសឹងតែជិត​ដល់ចុងម្រាមដៃ។​ ក្នុងពេលនោះ​ វិមានក្រឹមឡាំងបានទាំង​លុបចោលកម្មវិធី ដែលតាមទម្លាប់​លោក​ពូទីនត្រូវនិយាយទូរស័ព្ទជាមួយ​ប្រជាពលរដ្ឋរុស្ស៊ី ដោយ​មិនបានបញ្ជាក់ហេតុផលអ្វីទាំងអស់។ យ៉ាងណាក៏ដោយ មន្ត្រីជាន់ខ្ពស់​ក្នុងរដ្ឋាភិបាល​រុស្ស៊ី តែងតែប្រកែកជានិច្ច ថាពាក្យចចាមអារ៉ាម ឬក៏ការចុះផ្សាយទាំងឡាយណា ដែលថាលោកពូទីនមានជំងឺនោះ គឺជារឿងកុហកទាំងអស់។ កាលពីចុងខែឧសភា លោកឌីមីទ្រី ប៉េឆកូវ អ្នកនាំពាក្យ​វិមានក្រឹមឡាំង បាន​លើកឡើងនៅលើកញ្ចក់ទូរទស្សន៍បារាំង TF1 ថា អ្នកដែលមើលឃើញថាលោក​ប្រធានាធិបតីពូទីនឈឺនោះ គឺអ្នកនោះទេ ដែលមានបញ្ហា​ខួរក្បាលខ្លួនឯង។ ដូចគ្នាដែរ លោកលូកាឆិនកូ ប្រធានាធិបតី​បែលឡារុស ដែលជាសម្ព័ន្ធមិត្តចាក់ទឹកមិនលិច របស់​លោកពូទីននោះ បាន​និយាយថា អ្នកដែលមើលឃើញថាលោកពូទីនមានជំងឺ គឺអ្នកនោះឯងទៅវិញទេ ដែលដែលត្រូវទៅរកការព្យាបាលនៅពេទ្យ។​ ​ទោះជាយ៉ាងនេះក្តី សម្រាប់អ្នកវិភាគភូមិសាស្ត្រនយោបាយ​អន្តរជាតិ សុខភាពរបស់​លោកពូទីន គឺជារឿងមួយសំខាន់ខ្លាំងណាស់។ សម្រាប់ពេលនេះ អំណាចនយោបាយ​ទាំងស្រុងនៅក្នុងដៃរបស់​លោកពូទីនយ៉ាងណែន ហើយ​ដែលគេសម្លឹងរកមិនឃើញ ថាមាននរណាម្នាក់​ផ្សេង អាចមកជំនួសលោក​ពូទីនបាននៅឡើយទេ​។ ឆ្នាំ​២០២៤ខាងមុខ លោកពូទីននឹងឈរឈ្មោះម្តងទៀត ដើម្បីបន្តអំណាច។ លោក Romain Badanin និពន្ធនាយកបណ្តាញព័ត៌មាន Proekt បានលើកឡើងថា​ ប្រជាជនរុស្ស៊ីគ្មានដំណឹងអ្វីសូម្បីតែប៉ុនចុងក្រចក ស្តីពីអំពីសុខភាពផ្លូវកាយ និង​សតិស្មារតីរបស់​ប្រធានាធិបតីខ្លួន។ មនុស្សម្នាក់ដែលមានអំណាចពេញដៃ អាចចុចប៊ូតុងបំផ្ទុះ​គ្រាប់បែកបរមាណូ​កំទេចមនុស្សទូទាំងពិភពលោក​​ តែមពិភពលោកទាំងមូល​​ បែរជាមិនអាចដឹងបាន ថាមនុស្ស​នោះ ឈឺឬជា មានសតិស្មារតី​នឹងន ល្អកម្រិតណា។ នេះគឺជារឿងមួយគ្រោះថ្នាក់ណាស់​!
    6/21/2022
    6:58
  • កូឡុំប៊ី៖ជោគជ័យជាប្រវត្តិសាស្រ្តរបស់គណបក្សសង្គមនិយមនៅក្នុងការបោះឆ្នោតប្រធានាធិបតី
    នៅ​ក្នុង​ប្រទេស​កូឡុំប៊ី លោក​ហ្គូស្តាវ៉ូ ប៉េត្រូ​មក​ពី​គណបក្សសង្គមនិយម​ដែល​ជា​គណបក្សប្រឆាំង​បាន​ឈ្នះឆ្នោត​នៅ​ក្នុង​ការ​បោះឆ្នោត​ប្រធានាធិបតី​ជុំទី២ នា​ថ្ងៃ​អាទិត្យ ទី១៩ មិថុនា។ តាម​លទ្ធផល​ផ្លូវការ​បណ្តោះអាសន្ន លោក​ហ្គូស្តាវ៉ូ ប៉េត្រូ​ទទួល​បាន​សំឡេង​គាំទ្រ ៥០,៤% ទល់​នឹង​គូប្រជែង​លោក​រ៉ូដុលហ្វូ អ៊ែរណង់ដេ​ដែល​ទទួល​បាន ៤៧,៣១%។ នេះ​ជា​លើកទី១ នៅ​ក្នុង​ប្រវត្តិសាស្រ្ត​កូឡុំប៊ី​ដែល​មាន​ប្រធានាធិបតី​ម្នាក់​ចេញ​ពី​គណបក្សឆ្វេងនិយម។ តើ​លោក​ហ្គូស្តាវ៉ូ ប៉េត្រូ​ជា​នរណា និង​ថា​តើ​មាន​ការងារ​ប្រឈម​អ្វី​ខ្លះ​ដែល​កំពុង​រង់ចាំ​លោក?។ មុន​នឹង​ផ្តើម​និយាយ​ពី​ប្រវត្តិរូប និង​ការងារ​ប្រឈម​របស់​ប្រធានាធិបតី​ថ្មី​លោក​ហ្គូស្តាវ៉ូ ប៉េត្រូ​​ដែល​ទើប​ជាប់​ឆ្នោត​ក្តៅៗ គេ​គួរ​និយាយ​បន្តិច​ពី​លោក​រ៉ូដុលហ្វូ អ៊ែរណង់ដេ​ដែល​ជា​គូប្រជែង​ចាញ់​ឆ្នោត​របស់​លោក​ហ្គូស្តាវ៉ូ ប៉េត្រូ។ មាន​អាយុ ៧៧ឆ្នាំ លោក​រ៉ូដុលហ្វូ អ៊ែរណង់ដេ​ជា​សេដ្ឋី​រក​ស៊ី​ខាង​អចលនទ្រព្យ និង​ជា​បេក្ខជន​គ្មាន​គ្រួសារនយោបាយ ឬ​និយាយ​ឲ្យ​ស្រួល​យល់ ជា​បេក្ខជន​ឯករាជ្យ​ដែល​មិន​ចេញ​ពី​គណបក្ស​ណា​មួយ។ តែ​ទោះ​ជា​យ៉ាង​នេះ​ក្តី លោក​រ៉ូដុលហ្វូ អ៊ែរណង់ដេ​បាន​ទទួល​ការ​គាំទ្រ​ពី​ឥស្សរជន​នយោបាយ​ជើងចាស់​មួយ​ចំនួន ពិសេស​ពី​គណបក្សស្តាំនិយម​ដែល​បាន​កាន់​អំណាច​ដុះស្លែ​នៅ​កូឡុំប៊ី។ ឥឡូវ​នេះ កូឡុំប៊ី​បាន​បើក​ទំព័រ​សករាជ​ថ្មី និង​ជា​ប្រវត្តិសាស្រ្ត​ជាមួយ​នឹង​ការ​ឡើង​កាន់​អំណាច​របស់​គណបក្សឆ្វេងនិយម​ជា​ប្រវត្តិសាស្រ្ត។ មាន​អាយុ ៦២ឆ្នាំ និង​ជា​សេដ្ឋវិទូ​ម្នាក់ ប្រធានាធិបតី​ថ្មី​លោក​ហ្គូស្តាវ៉ូ ប៉េត្រូ​ជា​អតីត​ឧទ្ទាម​ក្នុង​ក្រុម​ឧទ្ទាម​តូច​មួយ​ឈ្មោះ M១៩។ គឺ​ទើប​នៅ​ក្រោយ​ទម្លាក់​អាវុធ​ក្នុង​ឆ្នាំ ១៩៩០ ដែល​លោក​ប៉េត្រូ​បាន​ចាប់​ផ្តើម​ចូល​ប្រឡូក​ក្នុង​ឆាក​នយោបាយ​ដោយ​បាន​ជាប់ឆ្នោត​ជា​សមាជិក​សភា ជា​សមាជិក​ព្រឹទ្ធសភា ជា​ចៅហ្វាយ​ក្រុង​បូហ្កូតា និង​ជា​សមាជិក​ព្រឹទ្ធសភា​ម្តង​ទៀត។ តែ​គេ​មិន​ត្រូវ​ភ្លេច​និយាយ​ទេ​ថា នេះ​ជា​លើកទី៣ ហើយ​ដែល​លោក​ហ្គូស្តាវ៉ូ ប៉េត្រូ​បាន​ឈរ​ឈ្មោះ​ចូលរួម​បោះឆ្នោត​ប្រធានាធិបតី។ ក៏​ដូច​ជា​នៅ​ក្នុង​យុទ្ធនាការ​ឃោសនា​បោះឆ្នោត​ចំនួន ២ដង​លើក​មុន​ដែរ គណបក្ស​ស្តាំនិយម រួម​ទាំង​បេក្ខជន​ឯករាជ្យ​លោក​រ៉ូដុលហ្វូ អ៊ែរណង់ដេ​បាន​វាយប្រហារ​លោក​ហ្គូស្តាវ៉ូ ប៉េត្រូ​ដោយ​ឆ្កឹះ​កកាយ និង​រម្លឹក​រឿង​អតីតកាល​ជា​ឧទ្ទាម​របស់​លោក​ប៉េត្រូ។ តែ​នៅ​ទីបំផុត គឺ​អតីត​ឧទ្ទាម​ដែល​ប្រជាជន​បាន​បោះឆ្នោត​ឲ្យ​នៅ​ក្នុង​ការ​ឈរ​ឈ្មោះ​លើកទី៣ របស់​លោក​ហ្គូស្តាវ៉ូ ប៉េត្រូ។ មាន​ការ​កត់សម្គាល់​ចំនួន​ពីរ​ដែល​គេ​អាច​ទាញ​ជា​មេរៀន​ពី​ការ​បោះឆ្នោត​ប្រធានាធិបតី​នៅ​កូឡុំប៊ី​លើក​នេះ ទី១ មាន​ភាព​តានតឹង តែ​គ្មាន​អំពើហិង្សា​ធំដុំ និង​ទី២ គ្រប់​គ្នា​បាន​ទទួល​ស្គាល់​ពេញ​មាត់​ពី​ជ័យជំនះ​របស់​លោក​ហ្គូស្តាវ៉ូ ប៉េត្រូ។ មុន​គេ គឺ​លោក​រ៉ូដុលហ្វូ អ៊ែរណង់ដេ​ដែល​ជា​គូប្រជែង។ បន្ទាប់​មក ប្រធានាធិបតី​ផុតអាណត្តិ​លោក​អ៊ីវ៉ង់ ឌុធ ហើយ​បន្ទាប់​មក​ទៀត គឺ​ឥស្សរជន​នយោបាយ​ស្តាំនិយម​ជា​ច្រើន​រូប ក្នុង​នោះ​ក៏​មាន​អតីត​ប្រធានាធិបតី​លោក​អាល់វ៉ារ៉ូ អ៊ុយរីបេ​ដែល​ជា​សត្រូវស៊ីសាច់​ហុត​ឈាម​នឹង​លោក​ហ្គូស្តាវ៉ូ ប៉េត្រូ​ម្នាក់​ដែរ។ លើស​ពី​នេះ ការ​សាទរ​ចំពោះ​លោក​ហ្គូស្តាវ៉ូ ប៉េត្រូ​ក៏​មាន​ពី​មជ្ឈដ្ឋាន​អ្នកជំនួញ រួម​ទាំង​ប្រធានាធិបតី​ទាំង​អស់​នៅ​អាមេរិកឡាទីន។ នេះ​ដោយ​មិន​រាប់​ពី​ការ​សាទរ​របស់​ប្រជាជន​កូឡុំប៊ី​ទូទៅ ពិសេស​ក្រុម​អ្នកគាំទ្រ​លោក​ហ្គូស្តាវ៉ូ ប៉េត្រូ​ទេ។ គេ​ត្រូវ​រង់ចាំ​ដល់​ថ្ងៃទី៧ សីហា​ទើប​រដ្ឋាភិបាល​ថ្មី​របស់​លោក​ហ្គូស្តាវ៉ូ ប៉េត្រូ​ចូល​កាន់​អំណាច​ជា​ផ្លូវការ។ តែ​មិន​ទាន់​អី​ផង លោក​ហ្គូស្តាវ៉ូ ប៉េត្រូ​បាន​បោះ​ដៃ​រក​គ្រប់​គ្នា​ទាំង​អស់​ដោយ​មិន​ប្រកាន់​និន្នាការ​នយោបាយ។ « វា​នឹង​មាន​តែ​ការ​គោរព និង​កិច្ចសន្ទនា។ ក្រុម​ប្រឆាំង​ទាំង​អស់​មិន​ថា​ខាង​ណា ឬ​ខាង​ណា​ទេ យើង​នឹង​បើក​ទ្វារ​ទទួល​ស្វាគមន៍។ ទាំង​អស់​គ្នា យើង​នឹង​ផ្សះផ្សា​ជាតិ​របស់​យើង​នៅ​ក្នុង​សន្តិភាព និង​ភាព​រីករាយ » នេះ​ជា​ការ​ថ្លែង​របស់​លោក​ហ្គូស្តាវ៉ូ ប៉េត្រូ​នៅ​ក្រោយ​ការ​ជាប់​ឆ្នោត។ ពិត​ណាស់ លោក​ហ្គូស្តាវ៉ូ ប៉េត្រូ​ហាក់​កំពុង​ផ្តល់​ក្តីសង្ឃឹម​ច្រើន​ដល់​ប្រទេស និង​ប្រជាជន​កូឡុំប៊ី​ដែល​ធ្លាប់​បាន​ឆ្លង​កាត់​រឿងរ៉ាវ​ដ៏​លំបាក។ ជាមួយ​នឹង​ការ​ជាប់ឆ្នោត​របស់​លោក​ហ្គូស្តាវ៉ូ ប៉េត្រូ កូឡុំប៊ី​ហាក់​ទើប​ទទួល​បាន​នូវ​បំពង់​ខ្យល់​អុកស៊ីសែន​ថ្មី។ គេ​នៅ​មិន​ទាន់​ដឹង​ថា តើ​លោក​ហ្គូស្តាវ៉ូ ប៉េត្រូ​អាច​ឆ្លើយ​តប​នឹង​ក្តីសង្ឃឹម និង​ការ​រង់ចាំ​របស់​ប្រជាជន​បាន​កម្រិត​ណា​ទេ។ អ្វី​ដែល​គេ​អាច​និយាយ​បាន មាន​កិច្ចការ​ជា​ច្រើន និង​បញ្ហា​ប្រឈម​អាទិភាព​មួយ​ចំនួន​ដែល​កំពុង​រង់ចាំ​លោក។ ដំបូង​គេ គឺ​កាត់​បន្ថយ​វិសមភាព​សង្គម​រវាង​អ្នក​មាន និង​អ្នកក្រ​ដែល​មាន​គម្លាត​កាន់​តែ​ខ្លាំង​នៅ​ក្នុង​សម័យ​កូវីដ១៩ ទប់ស្កាត់​កំណើន​អតិផរណា កាត់បន្ថយ​បញ្ហា​អសន្តិសុខ​នៅ​ក្នុង​ទីក្រុង និង​នៅ​តាម​ជនបទ រួម​ទាំង​បើក​ការ​ចរចា​ជាមួយ​ក្រុម​ឧទ្ទាម​ប្រដាប់អាវុធ។ បន្ទាប់​មក លោក​ហ្គូស្តាវ៉ូ ប៉េត្រូ​ត្រូវ​ពង្រឹង​អំណាច​របស់​រដ្ឋ ធ្វើ​កំណែទម្រង់​លើ​ប្រព័ន្ធ​ចូលនិវត្តន៍ និង​ពន្ធដារ ពិសេស​ប្រយុទ្ធប្រឆាំង​នឹង​អំពើ​ពុករលួយ​គ្រប់​ជាន់ថ្នាក់។ដូច្នេះ​គេ​ត្រូវ​រង់ចាំ​មើល​នា​ពេល​ខាង​មុខ មុន​នឹង​វាយតម្លៃ​យ៉ាង​ណា​លើ​ការងារ​របស់​ប្រធានាធិបតី​ថ្មី​លោក​ហ្គូស្តាវ៉ូ ប៉េត្រូ៕
    6/20/2022
    5:19
  • វិបត្តិថាមពល៖ ស្រីលង្កាទំនងអស់ប្រេងឥន្ធនៈប្រើប្រាស់នៅប៉ុន្មានថ្ងៃខាងមុខ
    ស្រីលង្កាកំពុងជាប់ផុងក្នុងវិបត្តិហិរញ្ញវត្ថុដ៏អាក្រក់បំផុត ក្នុងរយៈពេល៧ទសវត្សរ៍ចុងក្រោយ បន្ទាប់ពីទុនបម្រុងអន្ដរជាតិរបស់ប្រទេសមួយនេះបានធ្លាក់ចុះដល់កម្រិតទាបបំផុត។ ក្នុងពេលជាមួយគ្នា បើយោងតាមការចេញផ្សាយរបស់កាសែត CNN ការស្តុកទុកប្រេងឥន្ធនៈរបស់ប្រទេសនេះនឹងអស់ក្នុងស្ដុក នៅរយៈពេលប៉ុន្មានថ្ងៃខាងមុខ។ យោងតាមការចេញផ្សាយរបស់កាសែត CNN ការស្តុកទុកប្រេងឥន្ធនៈរបស់ប្រទេសស្រីលង្កានឹងអត់មានក្នុងស្ដុក នៅរយៈពេលប៉ុន្មានថ្ងៃខាងមុខ។ នេះបើតាមការបញ្ជាក់របស់រដ្ឋមន្ត្រីថាមពល លោក Kanchana Wijesekera ដែលបាននិយាយកាលពីថ្ងៃព្រហស្បតិ៍ ក្នុងសប្ដាហ៍មុននេះ។ ប្រទេសនេះក៏កំពុងរង់ចាំការបញ្ជាក់ជាផ្លូវការពីរដ្ឋាភិបាលឥណ្ឌា សម្រាប់ផ្ដល់កម្ចីថ្មីចំនួន ៥០០លានដុល្លារអាមេរិកសម្រាប់នាំចូលប្រេងឥន្ធនៈ។ ស្រីលង្កាមានប្រជាជនចំនួន២២លាននាក់ និងកំពុងជាប់ផុងក្នុងវិបត្តិហិរញ្ញវត្ថុដ៏អាក្រក់បំផុត ក្នុងរយៈពេល៧ទសវត្សរ៍ចុងក្រោយ បន្ទាប់ពីទុនបម្រុងអន្ដរជាតិរបស់ប្រទេសនេះបានធ្លាក់ចុះដល់កម្រិតទាបបំផុត។ ជាភាសាបច្ចេកទេស ”ទុនបម្រុងអន្តរជាតិ” គឺជាទ្រព្យសកម្មដែលធនាគារកណ្ដាលនៃប្រទេសមួយរក្សាទុកក្នុងទម្រង់ជាមាស ឬលុយបរទេស ដូចជា លុយដុល្លារអាមេរិក ឬលុយអឺរ៉ូ។ ទុនបម្រុងទាំងនេះមានសារសំខាន់ណាស់ សម្រាប់ការរក្សាស្ថិរភាពសេដ្ឋកិច្ច និងសម្រាប់នយោបាយហរិញ្ញវត្ថុផ្សេងៗ ជាឧទាហរណ៍ ដើម្បីប្រើប្រាស់ក្នុងការរក្សាតម្លៃលុយជាតិ ឬដើម្បីប្រើប្រាស់ក្នុងការចាយវាយផ្សេងៗរបស់រដ្ឋាភិបាលក្នុងពេលមានវិបត្តិ។ នាពេលបច្ចុប្បន្ន ស្រីលង្កាមាននៅសល់លុយដុល្លារអាមេរិកតិចតួចណាស់ និងមិនអាចចំណាយលើការនាំចូលទំនិញសំខាន់ៗ រួមមាន ស្បៀងអាហារ ថ្នាំពេទ្យ និងប្រេងឥន្ធនៈ។ ការខ្វះខាតប្រេងឥន្ធនៈកាន់តែមានកម្រិតធ្ងន់ធ្ងរបានធ្វើឱ្យស្ថានភាពសេដ្ឋកិច្ចប្រទេសនេះកាន់តែអាក្រក់ទៅៗ ក្នុងប៉ុន្មានសប្តាហ៍នេះ។ គេអាចសង្កេតឃើញរថយន្ដតម្រុងជួរជាខ្សែបន្ទាត់ក្នុងប្រវែងរាប់គីឡូម៉ែត្រនៅតាមស្ថានីយ៍ប្រេងឥន្ធនៈមួយចំនួននៅទូទាំងប្រទេស ដើម្បីរង់ចាំទិញសាំង និងម៉ាស៊ូត។ ប្រេងឥន្ធនៈស្ដុក រួមមានប្រេងឥន្ធនៈសម្រាប់យានយន្ត សម្រាប់ឧស្សាហកម្មមួយចំនួន និងសម្រាប់វិស័យសេវាកម្មសំខាន់ៗ បានអស់ពីក្នុងស្ដុក។ កាល​ពី​មួយ​ខែ​មុន ​នាយក​រដ្ឋមន្ត្រីស្រីលង្កាធ្លាប់​បាន​និយាយ​ថា មាន​សាំង​គ្រប់គ្រាន់​សម្រាប់​តែ​មួយ​ថ្ងៃ​ប៉ុណ្ណោះ។ ប្រទេសស្រីលង្កាមិនអាចរកប្រាក់ចំនួន ៧២៥លានដុល្លារអាមេរិក ដើម្បីបង់ប្រាក់ដែលហួសកាលកំណត់រួចហើយទៅឱ្យអ្នកផ្គត់ផ្គង់ទេ ហើយប្រទេសនេះក៏មិនអាចខ្ចីលុយបន្ថែម សម្រាប់ការនាំចូលថាមពលនៅថ្ងៃអនាគតបានទេ។ នេះបើតាមការលើកឡើងរបស់រដ្ឋមន្ត្រីថាមពល។ រដ្ឋមន្ត្រីថាមពលបានប្រាប់អ្នកយកព័ត៌មានថា "យើងកំពុងតស៊ូដើម្បីទទួលបានការផ្គត់ផ្គង់ប្រេងឥន្ធនៈ ហើយរដ្ឋាភិបាលកំពុងព្យាយាមគ្រប់គ្រងស្តុកប្រេងម៉ាស៊ូត និងប្រេងឥន្ធនៈឱ្យបានរហូតដល់ថ្ងៃទី២១ ខែមិថុនា។ យើងកំពុងជួបការលំបាកខ្លាំងណាស់ ដើម្បីបំពេញតម្រូវការ ហើយស្តុកប្រេងឥន្ធនៈអាចអស់លឿនជាងនេះ ប្រសិនបើយើងមិនកាត់បន្ថយការធ្វើដំណើរដែលមិនចាំបាច់ និងមិនបញ្ឈប់ការបញ្ចេញស្តុកទុកប្រេងនោះទេ"។ លោក​បាន​បន្ថែម​ថា​ “​យើង​រំពឹង​ថា​នឹង​មាន​ការ​នាំចូល​ប្រេងបន្ថែម ​ក្នុង​រយៈពេល​បី​ថ្ងៃ​បន្ទាប់ និង​ការ​នាំចូលម្ដងទៀត ​ក្នុង​រយៈពេល​ប្រាំបី​ថ្ងៃ​បន្ទាប់​”។ ស្រីលង្កាកំពុងរង់ចាំសេចក្តីបញ្ជាក់ជាផ្លូវការលើការផ្ដល់កម្ចីចំនួន៥០០លានដុល្លារអាមេរិកពីធនាគារ Exim Bank របស់រដ្ឋាភិបាលឥណ្ឌា។ កម្ចីនេះនឹងត្រូវប្រើប្រាស់ដើម្បីនាំចូលប្រេងឥន្ធនៈ សម្រាប់ប៉ុន្មានសប្តាហ៍ខាងមុខ។ ប្រទេសឥណ្ឌាគឺជាប្រទេសជំនួយដ៏សំខាន់ ក្នុងអំឡុងវិបត្តិហិរញ្ញវត្ថុបច្ចុប្បន្ននេះ ដោយបានផ្ដល់ជំនួយប្រហែល ៣ពាន់លានដុល្លារអាមេរិក រួមទាំងកម្ចី ១ពាន់លានដុល្លារអាមេរិក សម្រាប់ការនាំចូលទំនិញសំខាន់ៗ និងការផ្ដល់កម្ចីផ្សេងទៀតចំនួន ៤០០លានដុល្លារអាមេរិក។ ផ្អែកតាមមន្រ្ដីរដ្ឋាភិបាល ប្រទេសស្រីលង្កាក៏បានទាក់ទងទៅកាន់ប្រទេសជាច្រើន រួមទាំង រុស្ស៊ីផងដែរ ដើម្បីពិភាក្សាអំពីជម្រើសនៃការនាំចូលប្រេងឥន្ធនៈ សម្រាប់ការផ្គត់ផ្គង់ ក្នុងរយៈពេលជាច្រើនខែ។ ប្រទេសនេះក៏កំពុងពិភាក្សាជាមួយមូលនិធិរូបិយវត្ថុអន្តរជាតិ (IMF) សម្រាប់ការស្នើកញ្ចប់ថវិកាសង្គ្រោះ ហើយគណៈប្រតិភូរបស់ស្ថាប័ននេះរំពឹងថានឹងមកដល់ប្រទេសស្រីលង្កា នៅថ្ងៃទី២០ ខែមិថុនា៕
    6/20/2022
    4:03

Über ទស្សនៈព្រឹត្តិការណ៍ពិភពលោក

Sender-Website

Hören Sie ទស្សនៈព្រឹត្តិការណ៍ពិភពលោក, ភ្ញៀវប្រចាំថ្ងៃ und viele andere Radiosender aus aller Welt mit der radio.at-App

ទស្សនៈព្រឹត្តិការណ៍ពិភពលោក

ទស្សនៈព្រឹត្តិការណ៍ពិភពលោក

Jetzt kostenlos herunterladen und einfach Radio & Podcasts hören.

Google Play StoreApp Store

ទស្សនៈព្រឹត្តិការណ៍ពិភពលោក: Zugehörige Podcasts

ទស្សនៈព្រឹត្តិការណ៍ពិភពលោក: Zugehörige Sender